Afheren asko zaintzen ditugu ekoizpenerako gure baliabideak, gure lanaren arrakastaren zati garrantzitsua direla uste baitugu. Industriarako ebaketa-erreminten fabrikazioko eta zorrozketako espezialista gisa egiten dugun lanaren kalitatearen aldeko gure konpromisoak zerikusi estua du ekoizpenerako gure baliabideen kalitatearekin.
Berrikuntzak eta abangoardia teknologikoak ziurtatzen dute gure profesionaltasuna ebaketa-erreminta berezien zorrozketan eta fabrikazioan. Beti lehengairik onenekin eta ekoizpen-baliabideetan merkatuan diren markarik onenekin lan egiten dugu: Walter-Helitronic Power Production 5 ardatzeko CNC makina, ekoizpen-kargagailuekin. Afheren Walter etxeko 5 artezketa-zentro jarriko ditugu zure proiektuaren zerbitzura, bai eta neurketako era askotako makinak ere. Horien artean nabarmendu behar da Walter etxeko Helicheck neurketa-makina.
Egin beharreko mekanizazioa aztertzen dugu eta prozesu bakoitzerako planoak eta erreminta espezifikoak diseinatzen ditugu. Gure ekoizpenaren trazabilitatearen kontrola egiten dugu, baita erabiltzen dugun lehengaiarena ere, eta aurrean dugun proiektu bakoitzaren azterketa pertsonalizatua egiten dugu. Gure bulego teknikoa oinarrizko elementua da industria-ebaketarako metal gogorreko erremintak zorrozteko eta fabrikatzeko gure lanaren arrakastan.
Profesional-talde aditu bat arduratuko da ekoizten dugun pieza bakoitza gainbegiratzeaz eta zure kasua aztertzeaz soluziorik onena emanez lagundu ahal izateko. Industria-ebaketako erreminten planoetan doikuntzak, PVD tratamenduetan gomendioak… Goitik beherako lana zure enpresarentzat ekoizten ditugun ebaketa-erreminta berezietan eraginkortasunik eta iraunkortasunik handiena lortzeko.
